انسحاب

 دردشتنا النهارده عن الخوف والفوبيا وديه حاجه فينا كلنا كل انسان في حته  خوف لگن لما يزييد لدرجه الرعب يبقى اسمه فوبيا

الخوف والفوبيا

مهما يكون شجاع او بيدارى الظاهر  بتاعه غير الباطن بيبان هو مش بيخاف بس بداخله حته الخوف حتى لو من اي حاجه بسيطه وساعات الخوف ده بيوصل لفوبيا يعني مثلا 

في ناس عندها فوبيا من الصرصار لو  ست  او راجل لو شافو  الصرصار بيبقى بالنسبه لهم رعب كانه شبح فيه ناس ممكن تلغى خروج لو فكرت انها هتشوف صرصار على السلم .

  الخوف من العناكب هتلاقي نسبه كبيره جدا بتخاف من العناكب عموما واغلبيه الحشرات زى البرص ، الفيران ، والنمل .

 حاجات كثيره ساعات من كثر تفاهتها الانسان بيكسف انه يعترف بالخوف بسببها .

 مثلا لوفكرنا شويه فى فرق الحجم بين الصرصار والعناكب والانسان .

 

اغلبيه  الحجات اللى بنخاف منها  بتكون الفرق فى الحجم  مافيش مقارنة لكن الخوف متلازم وكأنه عضو فى جسم الإنسان .

 متلازم من غير سبب وفيه ناس اغرب بتخاف مثلا من الاسانسير او السلم الكهربائى

 انا مثلا باخاف من السلم  العادى وانسى انى بخاف واول ماانزل بحس انى هقع كل مره انزل فيها بحس انى هقع .

 كل انسان في حاجه بيخاف منها  ومايحبش يواجه الخوف تخيلوا  كده .

الخوف مالوش كبير .

واحد بقى عضلات وجسم  وشكله يخوف ماشاء الله  وشايف نفسه على زمايله اللي حواليه وفجاه كده يشوف صرصار بيطير الشخص ده هتشوفه بيجري من الصرصار 

تخيلوا بقى فرق الحجم بين الجسم والعقل والثقه بالنفس وبين حته صرصار 

هتلاقى فيه ناس بيتخاف من حاجه زى الكتكوت او اى كائن صغير بيتحرك .

 الخوف او الخضه والفزع من الاصوات

 تبقي انت قاعد  فى امان الله كده وتسمع صوت مره واحده كده فارقعه او اى صوت مفاجئة  على طول الجسم بيتغير من الخضه

 مع ان حبه تفكير ايه المشكله  لما يسمع صوت ايه المشكله ما فيش حاجه شافها عشان تهجم عليه وبعد الواحد  ما سمع الصوت ده ولو قاعد لوحده هتلاقي دماغه اشتغلت ويتخيل بقى افلام رعب .

غرائب الفوبيا

 العجيب بقى ان في ناس بتخاف من حاجات لا يمكن انسان يتخيلها وتفتكر ان هو بيهزر يعني في مثلا .

 الخوف من الوزة  او البطه  في ناس عندها احساس كده ان البطه دائما بتبصله خايف يخرج في الشارع عشان حاسس انه هيشوفها ويخاف يقعد لوحده بسبب البطة وديه حقيقه  ايه السبب ما اعرفش .

 فيه ناس بتخاف من اكلات معينه  زى الجبنه  بتخاف منها ما تقدرش انها تلمسها جسمها يقشعر .

  ناس بقى عندها واواس الاماكن بدون شبكه وديما يبص على بطاريه الموبيل وكأن الموبيل طوق النجاح بالنسبة ليه .

 وفي ناس بتخاف من الوان معينه ما تقدرش تشوفها  خصوصا الاحمر ولو شافتها  يتغير فى جسمها  ولو في وسط الناس بتبقى تحاول انها تداري الموقف ده لكنها بتكون داخليا جسمها خائف .

 الخوف والجنون 

فعلا بيوصل الخوف عند بعض الاشخاص لحاله نفسيه وبتوصل للاكتئاب والانطواء بسبب الخوف وعدم المقدره على المواجهة  او السيطرة على نفسه .